Поход в “Беларусбанк”— путешествие в советское прошлое?

content_____________15У мінулую пятніцу ў другой палове дня на “гарачую лінію” рэдакцыі патэлефанавала наша пастаянная чытачка, жыхарка райцэнтра Таццяна Іванаўна. Яна з непрыкрытым хваляваннем у голасе расказала:У мінулую пятніцу ў другой палове дня на “гарачую лінію” рэдакцыі патэлефанавала наша пастаянная чытачка, жыхарка райцэнтра Таццяна Іванаўна. Яна з непрыкрытым хваляваннем у голасе расказала:— Ад сябе асабіста і ад імя многіх пенсіянераў хачу выказаць вялікае абурэнне  адносінамі да кліентаў у “Беларусбанку”. Дні атрымання пенсіі для нас сталі сапраўдным стрэсам. Ужо з раніцы хвалюемся, ці не будуць зноў адсутнічаць у банкамаце грошы, а калі так, то як тады выстаяць даўжэзную чаргу ў касу?Далей жанчына распавяла, што літаральна ў дзень, калі яна не вытрымаўшы  патэлефанавала ў рэдакцыю, узгаданая сітуацыя, як і з месяца ў месяц, паўтарылася. Была пятніца, час пасля 11 гадзін. З дзясятак пенсіянераў гаманілі ў чарзе да банкамата, але раптам грошы ў ім скончыліся. Жанчыны звярнуліся ў банк з просьбай заправіць машыну, а самі занялі чаргу за наяўнымі ў касу. Толькі і там атрымаць пенсію не ўдалося, бо касу зачынілі на тэхнічны перапынак. Нервовае напружанне кліентаў мацнела, а банкамат між тым папаўняць ніхто не спяшаўся. Тады Таццяна Іванаўна папрасіла ў начальніка аперацыйнай службы кнігу заўваг. Гэты яе крок цудадзейным вобразам адчувальна паскорыў працэс запраўкі машыны. – Зразумела, што каса павінна абавязкова зачыніцца на тэхнічны перапынак, – працягвала размову з карэспандэнтам Таццяна Іванаўна, –  але ж у такім выпадку чаму, хаця б па пятніцах, калі ў райцэнтр на кірмаш прыязджае шмат жыхароў раёна, “Беларусбанку” не арганізаваць працэс работы так, каб больш працавала кас, а банкамат перад выхаднымі абавязкова запраўлялі?Жанчына параўнала працу названага банка з яшчэ адным у райцэнтры не ў бок першага і дадала, што хутка, калі сітуацыя не зменіцца да лепшага, пэўна, прыйд­зецца стаць яго кліенткай.На жаль, гэта не першы зварот у рэдакцыю незадаволеных жыхароў раёна, якія абслугоўваюцца ў ЦБП № 209 г. Докшыцы ААТ “ААБ Беларусбанк”. У кастрычніку мінулага года чытачы абураліся на тое, што названая фінансавая ўстанова працуе ў суботу толькі да абеду, а ў нядзелю і ўвогуле зачынена. З афіцыйнага адказу тады стала зразумела, што графік работы ўстаноўлены цэнтралізавана з-за актывізацыі працэсу развіцця безнаяўных разлікаў. Кліентам жа было прапанавана пераходзіць на разлікі праз інтэрнэт-банкінг, інфакіёск. Безумоўна, зручнасць гэтага працэсу станоўча ацэнена моладдзю і людзьмі сярэдняга ўзросту. Старэйшаму ж пакаленню больш звыкла мець у кашальку грошы наяўныя, як бы банкаўскай сістэме на хацелася адваротнага. Гэта факт, падмацаваны менталітэтам, і спрачацца з ім – хутчэй страчваць кліентаў, чым набываць новых. Пэўна, надышла пара прызнаць, што трэба звяртаць увагу не толькі на велізарны аб’ём паслуг, якія, безумоўна, прафесійна аказваюцца насельніцтву ў “Беларусбанку”, але і на хуткасць арганізацыі працэсу іх атрымання. Ну, не любіць наш чалавек чэргі, як непрыемны напамін пра атмасферу дэфіцыту савецкага мінулага. І з гэтым трэба нешта рабіць, асабліва ў юбілейны для банка год.

Наталля НАВІЦКАЯ.

Добавить комментарий

Ваш e-mail не будет опубликован. Обязательные поля помечены *