Делегация Докшицкого района приняла участие в областных «Дожинках-2014» (+ много фото)

На свяце аграрыяў вобласці прырода яшчэ раз паспрабавала нагадаць, што яна гаспадар жыцця, і наслала спорны дожджык, але і яму не ўдалося пазбавіць сельскагаспадарчы кірмаш святочнага настрою. Гарадок быў перапоўнены людзьмі, якія сабраліся раздзяліць з працаўнікамі сяла радасць завяршэння работ, вынікам якіх стаў важкі каравай 2014 года. Ён пацягнуў на 1 мільён 300 тысяч тон зерня. Гэта самы вялікі за апошнія некалькі дзясяткаў год ураджай збожжавых. Кіраўнікі прадпрыемстваў, аграномы, камбайнеры, вадзіцелі – усе былі запрошаны на абласныя “Дажынкі”. Герояў уборачнай цёпла прывітаў губернатар вобласці А.М. Косінец. У час цырымоніі ўзнагароджання прагучаў і наш раён. Як пераможца рэспубліканскага конкурсу ў намінацыі “Землекарыстанне высокай культуры земляробства, добраўпарадкаванне машынных двароў, жывёлагадоўчых ферм і комплексаў” ДП “Гняздзілава-Агра” атрымала Дыплом і трактар “Беларус-82”.

IMG_5392

Узнагароду прыняў былы дырэктар сельгаспрадпрыемства, а зараз начальнік упраўлення сельскай гаспадаркі і харчавання райвыканкама С.У. Абірала (на здымку трэці злева).

Для Гарадка абласныя дажынкі – свята, якога ён яшчэ не ведаў. Яно непазнавальна змяніла знешні выгляд гэтага паўночнага гарадка. Рэканструкцыю працярпелі 160 аб’ектаў. Новыя вакзалы, гасцініца, аздараўленчы цэнтр для гульнявых відаў спорту, абноўленыя жылыя дамы і вуліцы. Пабудавана міжнароднага ўзроўню спартыўная траса.

“Дажынкам” была ўся ўвага. Цэнтр горада стаў адзінай пешаходнай зонай, на якой размясцілася небывалых памераў тэатралізаванае свята брэндаў раёнаў і гарадоў. Вельмі дастойна на ім выглядаў наш раён (здымак першы).

здымак першы

здымак першы

Госці свята – ветэраны вайны з Расіі аддавалі чэсць, пачуўшы гукі бессмяротнага маршу “Прощание славянки” ў выкананні духавога аркестра докшыцкай ДШМ. Ваеннай тэматыцы надалі перавагу і работнікі культуры. “На солнечной поляночке” – назвалі яны сваю пляцоўку і аздобілі яе так, што кожны пры жаданні мог уявіць сябе на хвілінку ўдзельнікам ваенных падзей. Адбою не было ад жадаючых сфатаграфавацца з радысткай і медсястрой, паласавацца гарачай кашай і запіць яе духмяным травяным чаем (здымак другі).

здымак другі

здымак другі

“Докшыцкі панадворак” спажывецкай кааперацыі прывабліваў смачнымі стравамі, гарачым шашлыком і ветлівымі ўсмешкамі прадаўцоў (здымак трэці). І тут таксама было шмат жадаючых сфатаграфавацца на маляўнічай пляцоўцы сярод восеньскіх дароў прыроды, якую аформілі кааператары.

здымак трэці

здымак трэці

Міма пляцоўкі “Докшыцкая батлейка – “Родныя вытокі”, якая прадстаўляла на медыяфоруме “Рэпартаж са жніўнага поля” нашу газету, амаль ніхто не праходзіў, каб не спыніцца. Цікавасць выклікала маляўнічая батлейка з лялькамі, выстава з газетамі і фотаздымкамі. Асабліва шмат было жадаючых прыняць удзел у гульні “Размаўляем па-беларуску”. За правільна перакладзенае слова з беларускай мовы на рускую ўдзельніка чакаў адзін з прызоў: магніцік з лагатыпам Докшыц і электронным адрасам газеты, кавалак вельмі смачнага караваю з духмяным мёдам, замарынаваны баравік і іншыя прысмакі, на якія багаты наш край. Людзі з задавальненнем дэманстравалі сваё веданне роднай мовы. Былі сярод іх і расіяне са Смаленска. Значэнне слова “акуляры” спрабавалі высветліць нават госці з Татарстана. І ўсе выказвалі захапленне мілагучнасцю, прыгажосцю беларускай мовы, прасілі журналістаў паразмаўляць па-беларуску, пачытаць вершы. Што мы з задавальненнем рабілі (здымак чацвёрты).

здымак чацвёрты

здымак чацвёрты

Свае вельмі цікавыя пляцоўкі з выставамі рэтратэхнікі і сучаснымі навінкамі паказалі Белпошта і МНС, Мінсельгасхарчаванне і “Віцебшчына турыстычная”. Маладыя сем’і змагаліся на конкурсе “Уладар сяла”, спартсмены ставілі рэкорды на гарадскім стадыёне. Немагчыма нават пералічыць усё, чым багаты былі гарадоцкія “Дажынкі”.

Тамара АЛЬШЭЎСКАЯ.
Фота В.Чарвінскага.

no images were found

Комментарии:

Добавить комментарий

Ваш e-mail не будет опубликован. Обязательные поля помечены *