Коллектив представительства Белгосстраха по Докшицкому району встретит Новый год в новом здании
Права адчыніць будынак прадстаўніцтва Белдзяржстраху прадставілі (злева направа) генеральнаму дырэктару Беларускага рэспубліканскага ўнітарнага прадпрыемства “Белдзяржстрах” Сяргею Якубіцкаму, старшыні раённага выканаўчага камітэта Алегу Пінчуку і дырэктару філіяла “Белдзяржстрах па Віцебскай вобласці” Мікалаю Барану.
Ні для каго не сакрэт, што ад добрых умоў працы залежыць плённая і актыўная работа. Калектыў прадстаўніцтва Белдзяржстраху па Докшыцкім раёне цяпер з падвоенымі сіламі і найлепшым настроем стараецца выконваць свае абавязкі. Адной з галоўных прычын для гэтага стала адкрыццё новага сучаснага будынка, якое стала нібыта падарункам не толькі да прафесійнага свята страхаўшчыкоў, але і да Новага года.
– Гэта добрая падзея не толькі для калектыву Белдзяржстраху, але і для кожнага жыхара раёна, – адзначыў старшыня раённага выканаўчага камітэта Алег Пінчук. – Неабходнасць адкрыцця новага будынка наспела даўно. Светлыя ўтульныя пакоі, прастор і сучаснае аздабленне ствараюць добры настрой і актывізуюць работу. А для чалавека галоўнае – гэта атрыманне матэрыяльнага і маральнага задавальнення ад сваёй работы.
На мерапрыемстве адбылося ўзнагароджанне пераможцаў конкурсу “Беларусь вачамі дзяцей”, які быў прымеркаваны да рэкламнай акцыі страхавых паслуг. Сорак сем вучняў Докшыцкай СШ № 1 сталі кліентамі страхавой кампаніі і атрымалі магчымасць прадэманстраваць свае здольнасці. Усе яны атрымалі заахвочвальныя прызы. Дзесяць хлопчыкаў і дзяўчынак, работы якіх прызнаны лепшымі, былі запрошаны на адкрыццё будынка, дзе іх узнагародзілі памятнымі падарункамі. Аддзелу адукацыі, спорту і турызму раённага выканаўчага камітэта, ДУА “Сярэдняя школа № 1 г. Докшыцы” быў уручаны сертыфікат на выдзяленне сродкаў у памеры 20 мільёнаў 298 тысяч 725 беларускіх рублёў з Фонду прэзенціўных мерапрыемстваў у рамках конкурсу дзіцячай творчасці “Беларусь вачамі дзяцей”, які праводзіўся філіялам Белдзяржстраха па Віцебскай вобласці. Ад дзяцей з вершаванымі віншаваннямі выступілі Юліяна Палідавец і Настасся Самсонава.
Пераможцы творчага конкурсу
.
Тэкст і фота
Яўгеніі МАЛЕВІЧ.
