В Докшицах сельхозпредприятия сеют горох и пшеницу

ПАСЯЎНАЯ КАМПАНІЯ Ў РАЁНЕ НАБІРАЕ АБАРО­ТЫ. ПА СТАНЕ НА РАНІ­ЦУ ЎЧАРАШНЯГА ДНЯ Ў СЕЛЬГАСПРАДПРЫЕМ­СТВАХ РАННІХ ЯРАВЫХ ЗБОЖЖА­ВЫХ І ЗЕРНЕБАБОВЫХ КУЛЬТУР ПАСЕЯНА НА ПЛОШЧЫ 1761 ГЕКТАР, ШТО СКЛАДАЕ 32,6 ПРАЦЭНТА ДА ПЛАНА. КОЖНУЮ СПРЫЯЛЬНУЮ ПА НАДВОР’І ГАДЗІНУ ВЫКАРЫСТОЎВА­ЮЦЬ У ДП “АГРАСІТЦЫ” – БОЛЬШ ЗА ЧВЭРЦЬ ЯРАВОГА КЛІНУ Ў ГАСПА­ДАРЦЫ ТАКСАМА ЎЖО “ЗДАДЗЕНА ПАД КЛЮЧ”.

Спыніліся, едучы ў напрамку Валкалат, на дарозе каля Малых Сітцаў. Там на ўскрай­ку невялікага, гектараў на пятнаццаць, поля ўбачылі звыклую, але такую прыгожую кар­ціну: з загрузчыка, на якім працуе механі­затар Фёдар Каросцік, сыпалася ў сеялку залацістае зерне пшаніцы. Сітцаўскі сейбіт Міхаіл Латковіч любоўна разраўняў яго ру­камі, зачыніў бункер – усё гатова да чарго­вага “заезду”.

– Lemken, канешне, не Pottinger, трэба ў два разы больш праехаць, каб выканаць той жа аб’ём работы, але сеялка па якасці добрая, надзейная, – гаворыць Міхаіл Вячаслававіч. – Ды і хуткасці ад­ной мала – патрэбна яшчэ і якасць. Якія б цяжкас­ці ні былі, усе гады спраўляліся, пасеем, як трэба, і сёлета, – дадае ўпэўнена.

Для гэтага, як бачым, ёсць падставы. А яшчэ “АграСітцы” на сённяшні дзень адзінае сельгас­прадпрыемства, дзе праведзена падкормка азо­там сенакосаў і пашаў.

Ажыўленне панавала падчас нашага прыезду і на палетках ва ўрочышчы Багданава поле ААТ “Барсучанка”. Цэлы комплекс работ там правод­зілі механізатары гаспадаркі. Пра тое, каб тэх­ніка працавала без паломак, клапаціўся Генадзь Баркоўскі, задача якога ачысціць на падборшчы­ку поле ад камення, якое можа перашкаджаць рабоце агрэгатаў. Падрыхтоўкай глебы да сяўбы на энерганасычаным МТЗ-3522 з дыскатарам займаўся Аляксандр Рамашоў. Каб гарох, на сяў­бе якога заняты Мікалай Баброўскі, атрымаў усе неабходныя пажыўныя элементы для развіцця, пасевы яго неабходна падкарміць. Гэта справа даручана Алегу Судніку, які ўносіў у глебу міне­ральныя ўгнаенні – хлорысты калій і карбамід. Ну а ў тандэме з Мікалаем Баброўскім на загруз­чыку, аб’ём якога пяць тон, рупіўся Сяргей Глазко. Атрымалася пагутарыць з усёй камандай аграры­яў, бо якраз падаспеў аўтамабіль з гарачым хар­чаваннем. У гаспадарцы яно заўжды на высокім узроўні – кухары сталовай у Порплішчы працую­ць з душой.

Што датычыцца тэмпаў работ, то паказчы­кі “Барсучанкі” вышэйшыя за сярэднія па раёне – засеяна амаль 400 гектараў плошчаў, а гэта 43 працэнты ад запланаванага.

Алена НЕСЦЯРОНАК.

Фота Вячаслава ЧАРВІНСКАГА.