Африканская чума свиней – особо опасная вирусная болезнь

Афрыканская чума свіней – гэта хвароба да­машніх свіней і дзікіх кабаноў, якая не за­лежыць ад узросту жывёліны, полу і пароды і выклікае знішчэнне практычна 100 працэн­таў пагалоўя.

Вірус АЧС можа перадавацца праз прамы кан­такт паміж жывёламі, а таксама праз кроў, ежу, трупы свіней, чалавека, грызуноў, транспарт, прадметы догляду, гной і іншае. Распазнаць хва­робу магчыма па адмове жывёліны ад ежы, па­вышэнні тэмпературы цела да 40-42 градусаў, прыгнечаным стане, пасіненні або пачырванен­ні скуры на вушах, жываце, хвасце, а таксама па рвоце, паносе, які бывае часам з прымессю крыві. Здараецца і раптоўная смерць без бачных прыкмет хваробы.

Вакцына супраць АЧС да гэтага часу не вынайдзена.

Для таго, каб папярэдзіць хваробу, грамад­зяне павінны абгарадзіць асабістыя гаспадаркі з мэтай недапушчэння пранікнення туды дзікіх жывёл. Скормліванне дамашнім свінням адхо­даў прадуктаў харчавання, у якіх утрымліваюц­ца кампаненты жывёльнага паходжання – мяса, тлушч, кроў, – забараняецца. Пагалоўе належыць утрымліваць толькі ў хлявах, свінарніках, а на­ведваць іх варта ў асобным спецыялізаваным адзенні і абутку. Крайне непажадана дапускаць іншых людзей на тэрыторыю сваёй гаспадаркі. Самім пажадана быць вельмі асцярожнымі пры кантакце з хатняй жывёлай пасля наведвання лесу. Таксама нельга набываць жывых свіней ці прадукты іх забою ў неўстаноўленых для гэта­га месцах і завозіць свіней з іншых рэгіёнаў без дамоўленасці з дзяржаўнай ветэрынарнай служ­бай.

Пра ўсе выпадкі захворванняў і падзяжу да­машніх свіней неабходна неадкладна паведамі­ць спецыялістам ветслужбы. Хворых жывёл нельга забіваць без агляду ветэрынарнага ўрача. Трэба старацца не дапускаць пранікнення ў па­мяшканні, дзе ўтрымліваюцца свінні, грызуноў і дзікіх птушак, а таксама, па магчымасці, нася­комых, асабліва мух. На тэрыторыях асабістых гаспадарак неабходна падтрымліваць чысціню. Абавязкова павінны быць у наяўнасці дэздыва­нок і месца для мыцця і дэзінфекцыі рук з асабі­стымі сродкамі гігіены.

Кожную дэкаду патрэбна апрацоўваць свіней і памяшканні, дзе яны ўтрымліваюцца, сродкамі ад вошай, блох, кляшчоў – пераносчыкаў хваро­бы, пастаянна весці барацьбу з грызунамі.

Н. НАВІЦКАЯ, начальнік эпізаатычнага аддзела ветэрынарнай станцыі.