Брендовую праздничную продукцию предлагает Докшицкий хлебозавод

Святочную выпечку дэманструе кандытар Наталля Клімко.

Святочную выпечку дэманструе кандытар Наталля Клімко.

Прадукцыя Докшыцкага хлебазавода заўжды карыстаецца попытам пакупнікоў далёка за межамі раёна. Свята горада і фестываль “Дзве ракі” для хлебазаводаўцаў яшчэ адна магчымасць прадэманстраваць сваё майстэрства і творчы талент.

– З гэтай нагоды падрыхтавалі для жыхароў раёна і шматлікіх гасцей шырокі асартымент хлебабулачных і кандытарскіх вырабаў, – расказала начальнік лабараторыі, інжынер-тэхнолаг хлебапякарнай, кандытарскай і макароннай вытворчасці Святлана Чурко. – Сотня тортаў на любы густ чакае сваіх пакупнікоў, у тым ліку з графічнай эмблемай фестывалю на вафельных лістах, спецыяльна зробленай для ўпрыгажэння “кандытаркі”. Выпеклі і прыгожа ўпакавалі пяцьдзясят пернікаў з такой жа выявай – гэта будуць сувеніры для гасцей.

На хлебазаводзе пільна сочаць за пакупніцкім попытам, фарміруючы ў адпаведнасці з ім асартымент сваёй прадукцыі. Сёлета ў крамах раёна з’явіліся ў продажы батон і багет “Докшыцкі” з шасцісутачным тэрмінам прыдатнасці, а таксама хлеб з пшанічнай мукі “Тоставы”, што захоўвае сваю свежасць чацвёра сутак. Вырабы займелі ўжо немалую колькасць прыхільнікаў, а нястомныя завадчане эксперыментуюць ужо з новымі рэцэптамі.

Алена НЕСЦЯРОНАК

Добавить комментарий

Ваш e-mail не будет опубликован. Обязательные поля помечены *