Девятиклассница Крулевщинской средней школы имени И.П. Титкова Виктория Молчанова стала участницей республиканских краеведческих православных чтений

Дзевяцікласніца Крулеўшчынскай сярэдняй школы імя І.П. Ціткова Вікторыя Малчанава стала ўдзельніцай рэспубліканскіх краязнаўчых праваслаўных чытанняў навучэнцаў “Тут родныя трымаюць карані”.

Дзяўчына выступіла з дакладам на тэму “Код храма: расшыфроўка летапісу VIII–XIX стагоддзяў”, у якім распавяла пра гісторыю будаўніцтва каменнай царквы Святых Космы і Даміяна ў Докшыцах, пастарскім служэнні святара Канстанціна Тамаровіча і тагачасным жыцці мясцовага насельніцтва. Работа была падрыхтавана пад кіраўніцтвам настаўніцы школы Наталлі Рандарэвіч.

Чытанні праходзілі ў Мінскай духоўнай акадэміі, дзе сабраліся дэлегацыі з розных рэгіёнаў краіны. У адрас прысутных прагучалі прывітальныя звароты міністра адукацыі Андрэя Іванца і мітрапаліта Мінскага і Заслаўскага Веніяміна, Патрыяршага Экзарха ўсяе Беларусі.

Наша даследчыца атрымала сертыфікат удзельніка чытанняў і памятны падарунак. Пазнавальнай была культурная праграма, у межах якой навучэнцы наведалі царкоўна-гістарычны музей Беларускай праваслаўнай царквы і Свята-Духавы кафедральны сабор.

– Чытанні былі аб’яднаны тэмай захавання гістарычнай памяці і праваслаўнай спадчыны, – рэзюмавала Наталля Рандарэвіч. – Для вучняў гэта і абмен вопытам, і духоўнае напаўненне, і высокая матывацыя да далейшага вывучэння праваслаўнага краязнаўства.

Ніна КРУКОВІЧ.
Фота з адкрытых крыніц.