Урок памяти для школьников Бегомльской СШ Докшийкого района во время летнего отдыха организовали ветераны войны

Фото-1430

Менавіта гэтай мэце мы падпарадкоўваліся, калі арганізавалі правядзенне ўрока памяці для вучняў лагера адпачынку Бягомльскай СШ. Для іх Вялікая Айчынная вайна – вельмі далёкае мінулае, але ведаць і памятаць пра яго – доўг і абавязак беларусаў усіх пакаленняў. Пакуль ёсць сведкі тых страшных і гераічных падзей, трэба скарыстоўваць кожную магчымасць, каб сустрэцца з імі.

Да дзяцей на сустрэчу ў бібліятэку прыйшлі старшыня ветэранскай арганізацыі Уладзімір Канстанцінавіч Герасімёнак і ветэран вайны Валянцін Іванавіч Якушэўскі. Урок мужнасці пачаўся з таго, што бібліятэкары пазнаёмілі маленькіх чытачоў з літаратурай пра вайну. Потым выступілі з успамінамі госці. Пасля гэтага ўсе разам накіраваліся да помнікаў, якія ёсць у Бягомлі. Дзеці ўсклалі кветкі, а Валянцін Іванавіч звярнуўся да іх з цёплымі словамі. У заключэнне малыя напісалі падзяку дзядам за Перамогу і, уклаўшы паперкі ў шарыкі, пусцілі іх у паветра (на здымку).

В. БАТУРА,

загадчыца бібліятэкі

 імя П. Панчанкі.

Комментарии:

Добавить комментарий

Ваш e-mail не будет опубликован. Обязательные поля помечены *