ДТП в направлении Бегомль-Докшицы произошло в понедельник

bez-imeni-2Як паведамілі ў аддзяленні Дзяржаўтаінспекцыі РАУС, ужо на працягу некалькіх гадоў на летні перыяд прыпадае найбольшая колькасць аварый. Жудасная аварыя адбылася ў нашым раёне ў ліпені мінулага года, падчас яе загінулі пяць чалавек.
Сярод асноўных прычын летняй аварыйнасці – павелічэнне патоку аўтамабіляў і з’яўленне сезонных удзельнікаў дарожнага руху (матацыклістаў, веласіпедыстаў). А таксама манатоннасць і цёплае надвор’е, якія расслабляюць чалавека і прытупляюць увагу, вялікі светлавы дзень, які парушае рэжым сну і адпачынку. Як вынік – страта канцэнтрацыі, што на дарозе – рэч недаравальная.
Прыклад гэтага дарожна-транспартнае здарэнне, якое адбылося ў панядзелак, каля дзесяці гадзін раніцы, на 102-м кіламетры аўтадарогі Лагойск – Зембін – Глыбокае – мяжа Латвіі. Жыхарка Барысава (1995 г.н.) на аўтамабілі Хёндай Элантра, рухаючыся з боку Бягомля ў бок Докшыц, не справілася з кіраваннем і з’ехала ў кювет, пасля чаго машына перакулілася. У выніку аварыі кіроўца была паранена і шпіталізавана ў рэанімацыйнае аддзяленне ЦРБ.

Падрыхтавала Наталля НАВІЦКАЯ.

Комментарии:

Один комментарий для “ДТП в направлении Бегомль-Докшицы произошло в понедельник

Добавить комментарий

Ваш e-mail не будет опубликован. Обязательные поля помечены *