Достойный уровень показали докшицкие школьники на областном этапе конкурса «Инженеры будущего»

Нашы школьнікі бліскуча выступілі на абласным этапе конкурсу тэхнічнай творчасці «Інжынеры будучыні».

Спаборніцтвы праходзілі на базе Віцебскага абласнога палаца дзяцей і моладзі з удзелам 84 навучэнцаў з устаноў адукацыі Докшыцкага, Дубровенскага, Лёзненскага, Аршанскага, Полацкага, Чашніцкага, Шаркаўшчынскага раёнаў, Віцебска і Наваполацка.

У намінацыі «Сеткавае праектаванне і сістэмная інжынерыя» лідарам прызнаны сямікласнік СШ № 2 г. Докшыцы імя У.Ф. Крышталевіч Максім Кулакоўскі (настаўнік – Людміла Лукашэвіч). Як і ў мінулым годзе, хлопчык адзіны сярод канкурсантаў набраў максімальную колькасць балаў!

Максім Кулакоўскі

Пяцікласнік СШ № 1 г. Докшыцы імя І.С. Палявога Іван Роўба (настаўнік – Анатоль Стадольнік) заняў 3-е месца ў намінацыі «Вэб-тэхналогіі».

І гэта нягледзячы на тое, што афіцыйна ўзрост удзельнікаў абмежаваны 14 – 18 гадамі, а нашым адпаведна 13 і 11.

Іван Роўба

Абодвух хлопцаў іх настаўнікі інфарматыкі называюць вундэркіндамі. Вучні набіраюцца ведаў не толькі на ўроках, але і на факультатывах і аб’яднаннях па інтарэсах, актыўна ўдзельнічаюць у рэспубліканскіх спаборніцтвах і маюць шэраг узнагарод.

Заключны этап конкурсу «Інжынеры будучыні» пройдзе ў Мінску на базе Нацыянальнага дзіцячага тэхнапарка для пераможцаў і прызёраў абласных этапаў. Нашы дараслі да яго па здольнасцях, але пакуль што трэба пачакаць, каб і па гадах. Затое ўжо цяпер юныя праграмісты атрымалі карысны конкурсны вопыт у Віцебску.

Ніна КРУКОВІЧ.
Фота з адкрытых крыніц.