В Докшицкой центральной районной больнице открыта комната приема пищи для работников поликлиники

У Докшыцкай цэнтральнай раённай бальніцы адкрыты пакой прыёму ежы для работнікаў паліклінікі.

Абсталяваць яго дапамагла Віцебская абласная арганізацыя Беларускага прафсаюза работнікаў аховы здароўя.

У пакоі праведзены рамонт, устаноўлена новая мэбля: кухонны гарнітур, сталы і крэслы. З бытавой тэхнікі набыты халадзільнік, мікрахвалевыя печы і электрачайнікі.

– Адміністрацыя, пярвічная прафсаюзная арганізацыя і калектыў установы выказваюць шчырую падзяку абласной арганізацыі за клопат пра здароўе нашых работнікаў, – гаворыць лідар прафсаюзнай пярвічкі Вольга Камінская. – Вядома ж, каб лячыць пацыентаў, перш за ўсё павінны добра адчуваць сябе медыкі. Ад іх здароўя і настрою ў нейкай ступені залежыць якасць працы. Калектыў паліклінікі ўжо станоўча ацаніў камфортныя ўмовы новага пакоя.

Таксама адзін з ключавых прыярытэтаў кадравай палітыкі цэнтральнай раённай бальніцы – забеспячэнне жыллём маладых спецыялістаў.

Па магчымасці медыкам прадастаўляюцца арэндныя кватэры, а таксама пакоі ў інтэрнаце, які размешчаны на бальнічнай тэрыторыі.

Сёлета Віцебская абласная арганізацыя Беларускага прафсаюза работнікаў аховы здароўя дапамагла з абуладкаваннем трох пакояў інтэрната. Яны ўжо абстаўлены новай мэбляй: ложкамі, шафамі, сталамі і крэсламі. На ўсё было выдаткавана 3 тысячы рублёў.

А наперадзе абсталяванне яшчэ пяці пакояў, сродкі на гэтыя мэты выдзелены з бюджэту – усяго 8 тысяч рублёў.

Арына АЛЯКСАНДРАВА.

Фота  прадастаўлена ЦРБ.