О процедуре постановки на учёт граждан, нуждающихся в улучшении жилищных условий, узнали в службе «Одно окно»

Стаім на ўліку грамадзян, якія маюць патрэбу ў паляпшэнні жыллёвых умоў. Нядаўна нарадзілася дачушка. Як яе таксама ўключыць у чаргу?

Іна, г. Докшыцы.

У службе “адно акно” райвыканкама журналісту “РВ” паведамілі, што адміністрацыйная працэдура прыняцця на ўлік (аднаўлення на ўліку) грамадзян, якія маюць патрэбу ў паляпшэнні жыллёвых умоў, а таксама унясенне змяненняў у састаў сям’і, уключэнне ў асобныя спісы ўліку, пераафармленне чаргі з’яўляецца адной з самых распаўсюджаных адміністрацыйных працэдур, якія ажыццяўляюцца дзяржаўнымі органамі і арганізацыямі па заявах грамадзян.

Многія бацькі памылкова лічаць, што дзіця заносіцца бацькоўскую чаргу аўтаматычна, пры атрыманні, напрыклад, пасведчання аб нараджэнні немаўляці. Гэта не так. Каб далучыць новага члена сям’і да чаргі, неабходна звярнуцца ў службу “адно акно”.

Пры падачы заявы прадастаўляюцца наступныя дакументы:

– пашпарты або іншыя дакументы, якія сведчаць асобу, пасведчанні аб нараджэнні непаўналетніх дзяцей, якія прымаюцца на ўлік маючых патрэбу ў паляпшэнні жыллёвых умоў і (або) якія знаходзіліся на такім уліку;

– дакументы, якія пацвярджаюць права на пазачарговае або першачарговае прадастаўленне жылога памяшкання (у выпадку наяўнасці такога права);

– звесткі аб даходзе і маёмасці кожнага члена сям’і – у выпадку пастаноўкі на ўлік (аднаўлення на ўліку) грамадзян, якія маюць права на атрыманне жылога памяшкання сацыяльнага карыстання ў залежнасці ад іх даходу і маёмасці.

Іншыя дакументы, неабходныя для прыняцця грамадзян на ўлік тых, хто мае патрэбу ў паляпшэнні жыллёвых умоў, спецыялістамі службы “адно акно” запытваюцца самастойна ў адпаведнасці з заканадаўствам. Працэдура гэта бясплатная, на яе ажыццяўленне адводзіцца час да аднаго месяца.