Докшыцкія адкрыткі ў Польшчы
На запрашэнне паўдзельнічаць у выставе адкрытак у Твардагуры гурткоўцы Докшыцкага Цэнтра дзіцячай творчасці ўзяліся з ахвотай. Асаблівасць гэтай выставы ў тым, што кожная адкрытка павінна была быць ручной работы. Якраз тут фантазія і валоданне рознымі тэхналогіямі знайшлі прымяненне і дазволілі дзецям выканаць конкурсныя работы.
Аплікацыя, саломапляценне, бісерапляценне, вышыўка, вязанне, нітачны дызайн аздаблялі іх работы. Адкрыткі былі падрыхтаваныя, у асноўным, на зімовую тэматыку.
Аргкамітэт конкурсу прыслаў кожнаму ўдзельніку і кіраўнікам дзіцячых работ падзякі. Дырэкцыя школы з Твардагуры запрасіла гурткоўцаў Цэнтра да ўдзелу ў наступных выставах.