В Бегомльском музее народной славы открылась выставка

З 2 жніўня па 4 верасня ў Бягомльскім музеі народнай славы можна наведаць выставу калекцыйна-сувенірнай халоднай зброі “О доблести, о подвиге, о славе”.

124s 070sЭкспазіцыя размешчана на першым паверсе музея ў выставачнай зале. Колькасць экспанатаў перавышае сто адзінак.

Асабістую калекцыю музею прадаставіў калекцыянер з Віцебска Рамазан Махмудаў, які родам з Дагестана, аднак вучыўся і ўжо доўгі час жыве ў Беларусі.

Захапленне энтузіяста Рамазана Магамедавіча, які збіраў і з году ў год беражліва захоўваў зброю, з цягам часу прывяло да стварэння сапраўднай калекцыі.

На выставе экспануецца зброя, прыналежная да розных эпох і народаў, у якіх яна з’яўлялася і з’яўляецца да сённяшняга часу сімвалам статусу мужчыны, адзнакай яго воінскай годнасці і сілы.

На выставе прадстаўлена ўзбраенне Сярэднявечча: мячы, кісцені, алебарды, кінжалы, дагі. Выклікае захапленне халодная зброя ручной работы дагестанскіх майстроў, вырабленая ў розныя часы, у тым ліку і нашымі сучаснікамі.
Шырока экспануецца і самурайская зброя: катана, вакідзасі, танта і інш.

Выстава халоднай зброі калекцыянера падарожнічала па абласных цэнтрах, неаднаразова збірала аматараў у сталіцы. Прыемна, што магчымасць сузіраць халодную веліч зброі як музейнага экспанату ёсць зараз і ў нас.
Таты, калі вы не ведаеце, чым парадаваць сына на канікулах, наведайце Бягомльскі музей. Шкадаваць не прыйдзецца.

Наталля НАВІЦКАЯ.

Добавить комментарий

Ваш e-mail не будет опубликован. Обязательные поля помечены *