Победа Докшицкого народного театра на областном фестивале

Вялікі поспех садзейнічаў Докшыцкаму народнаму тэатру, які ўдзельнічаў у абласным тэатральным фестывалі, што быў прысвечаны 70-годдзю вызвалення Беларусі ад нямецка-фашысцкіх захопнікаў.

На суд журы вядомы калектыў, якім шмат год кіруе Ганна Яцкоўская, прадставіў адну са сваіх лепшых работ – спектакль па п’есе Ф. Гарсіа Лоркі “Пачуцці па Адэле”.

У выніку з сямі тэатраў, якія ўдзельнічалі ў “Тэатральнай вясне-2014”, наш атрымаў пачэснае другое месца. Дарэчы, першае месца заняў заслужаны аматарскі калектыў Рэспублікі Беларусь з Полацка «Пілігрым», спектакль якога «Рагнеда» доўжыўся амаль дзве гадзіны, быў напоўнены мноствам спецэфектаў, уражваў шыкоўнасцю касцюмаў, зброяй ранняга Сярэднявечча і вялікай колькасцю ўдзельнікаў масавых сцэн.

Докшыцкі тэатр са сваімі сціплымі дэкарацыямі і касцюмамі “ўзяў”, па словах старшыні журы Аляксандра Нісевіча, рэжысёрскай пастаноўкай, калі з вялікай і момантамі нуднай п’есы быў зроблены дынамічны, напружаны пачуццямі твор, а таксама амаль прафесійнай ігрой акцёраў.

Менавіта гэта прынесла яшчэ адну перамогу калектыву. Вядучая артыстка тэатра Ірына Кірыенка атрымала Гран-пры за лепшую жаночую ролю.
Віншуем з вялікай перамогай!