В Докшицком районе борьба с борщевиком не прекращается

borshhevik

На тэрыторыі Докшыцкага раёна ўстаноўлена 11 месцаў баршчэўніка Сасноўскага на землях пяці землекарыстальнікаў. Агульная плошча ў бягучым годзе складае 0,324 гектара, што ніжэй чым летась на 0,222 гектара.

Баршчэўнік расце на тэрыторыі Крыпульскага сельсавета, на землях ААТ «Докшыцкі райаграсэрвіс», КУП «Докшыцкі», ляснога фонду Валкалацкага лясніцтва і на прыдарожных палосах.

Сёлета на закупку прэпаратаў для барацьбы з дадзенай раслінай землекарыстальнікі выдаткавалі 625 рублёў.

Работы па хімічнай апрацоўцы праведзены ў аптымальны час, з улікам пагодных умоў.

Разам з тым на землях ААТ “Докшыцкі райаграсэрвіс” побач з некаторымі зафіксаванымі месцамі росту выяўлены баршчэўнік у стадыі бутанізацыі і пачатку цвіцення. Расліны былі выдалены механічным спосабам.

Інспекцыя прыродных рэсурсаў і аховы навакольнага асяроддзя правяла дзевяць мерапрыемстваў тэхнічнага (тэхналагічнага, праверачнага) характару, выдадзена столькі ж прадпісанняў, якія ўжо выкананы.

На адрас старшыні Вілейскага райвыканкама быў накіраваны ліст аб неабходнасці знішчэння баршчэўніка, бо расліны “перабіраюцца” з памежнай тэрыторыі на нашу.

Таксама абследавалася аўтадарога Р-29 з боку Ушацкага раёна, дзе маюцца значныя баршчэўнікавыя плошчы, у выніку выяўлены адзінкавыя расліны.

У. ВІШНЕЎСКІ,

начальнік Докшыцкай раённай інспекцыі прыродных рэсурсаў

і аховы навакольнага асяроддзя.

Добавить комментарий

Ваш e-mail не будет опубликован. Обязательные поля помечены *