Международное сотрудничество с Российской Федерацией активно поддерживается в Докшицком районе

У Беларусі і Расіі 2 красавіка штогод на дзяржаўным узроўні адзначаецца Дзень яднання народаў.

У 1996 годзе ў гэты дзень быў падпісаны Дагавор аб стварэнні Супольнасці Беларусі і Расіі, у адпавед­насці з якім было выраша­на стварыць палітычна і эканамічна інтэграваную супольнасць у мэтах аб’яд­нання матэрыяльнага і інтэлектуальнага патэн­цыялу абедзвюх дзяржаў. Праз год, 2 красавіка 1997 года, у Маскве Прэзідэнты Беларусі і Расіі падпісалі Дагавор аб Саюзе.

Асноўнымі мэтамі стварэння Саюза было ім­кненне павысіць узровень жыцця народаў, умацаваць братэрскія адносіны, ся­броўства і супрацоўніцтва ў палітычнай, эканамічнай, сацыяльнай і іншых сфе­рах.

Беларусь карыстаецца вялікай папулярнасцю ў расійскіх турыстаў дзяку­ючы сваёй транспартнай даступнасці. Камфорт яны знаходзяць як у белару­скай кухні, так і ў культу­ры, традыцыях, адпачынку.

– Докшыцкі раён так­сама мілы сэрцам расіян, – лічыць старшы інспектар групы па грамадзянстве і міграцыі Докшыцкага РАУС Ганна Ліпніцкая. – Толькі ў мінулым годзе ў нашых санаторыях “Бара­вое” і “Лясное”, а таксама ў аграэкасядзібах адпачыла 2226 грамадзян Расіі.

Многія ўвогуле пера­біраюцца жыць у Беларусь. Напрыклад, летась наш раён для часовага пражы­вання выбралі 15 расіян. Дазволы на пастаяннае пражыванне атрымалі 33 замежныя грамадзяне, во­сем з іх – расіяне.

Міжнароднае супрацоўніцтва з Расійскай Федэрацыяй актыўна падтрымлівае культурная галіна раёна.

Сяброўству з гарадамі-пабраці­мамі Докшыц – Дзмітрыевым Кур­скай вобласці, а таксама пасёлкам Палкіна і горадам Пячоры Пскоўскай – больш за дзесяць гадоў.

Вялікае значэнне ў наладжванні і развіцці супрацоўніцтва паміж рэ­гіёнамі адводзіцца Рэспубліканска­му фестывалю дружбы і мастацтва “Дзве ракі” і фэсту траў “Жыватвор­ная сіла”, якія праходзяць у нашым горадзе і ў мерапрыемствах якіх штогод прымаюць удзел дэлегацыі з Расіі.

Цесныя партнёрскія адносіны падтрымлівае на працягу некалькіх гадоў з Дзмітрыеўскім краязнаўчым музеем імя А.Ф. Вангенгейма Бя­гомльскі музей народнай славы.

Летась у межах выязной экспе­дыцыі, арганізаванай Рэспублікан­скім цэнтрам нацыянальных куль­тур, на базе Докшыцкага раёна творчую стажыроўку прайшла дэле­гацыя беларусаў замежжа.

Творчыя калектывы нашага раё­на актыўна ўдзельнічаюць у міжна­родных конкурсах і фестывалях. У мінулым годзе дэлегацыя з Докшыц прадставіла на ВДНГ у Маскве туры­стычны, прамысловы і культурны патэнцыял раёна.

З цікавасцю наведвальнікі вы­ставы знаёміліся з прадукцыяй хле­базавода і завода “Ветразь”, з зада­вальненнем дэгуставалі беларускія стравы, прадстаўленыя клубам нацыянальнай кухні і гульні “Шча­дроўка”. Не меншы інтарэс выкліка­ла Докшыцкая батлейка Патупчыка.

Запамінальным быў і ўдзел май­строў раённага Дома рамёстваў у фестывалі нацыянальных культур “Вуліца сяброўства” ў межах юбілей­нага Х Форума рэгіёнаў Рэспублікі Беларусь і Расійскай Федэрацыі ў г. Уфа.