Автопарк Докшицкой ЦРБ пополнился двумя машинами скорой помощи
Аўтапарк Докшыцкай цэнтральнай раённай бальніцы папоўніўся двума аўтамабілямі медыцынскай дапамогі “Лада Ларгус”, набытымі за кошт раённага бюджэту.
С п е ц ы я л і з а ваныя машыны прызначаны для транспарціроўкі пацыентаў, у тым ліку ляжачых хворых, і перавозкі медперсаналу.
У салоне ўстаноўлены насілкі для хворага і, акрамя вадзіцельскага месца для сядзення, размешчана яшчэ два – для медработніка і пацыента, які знаходзіцца ў стабільным стане.
Аўтамабілі перададзены ў Параф’янаўскую і Парплішчанскую амбулаторыі ўрача агульнай практыкі.
– Мы ўжо паспелі ацаніць камфартабельнасць аўтамабіля, – сказала загадчык Параф’янаўскай амбулаторыі Людміла Зорычус. – Змяшчальная і кампактная машына, а вадзіцель адзначае і выдатную манеўранасць, высокую праходнасць. Пры неабходнасці хутка даставім пацыента ў Докшыцы ці Віцебск, будзем выкарыстоўваць транспарт для наведвання хворых на даму. Наша амбулаторыя шчыра ўдзячная за такі карысны падарунак.
Ніна КРУКОВІЧ.
Фота аўтара.
