Команда Докшицкого района стала чемпионом областных соревнований по лыжным гонкам «Золотой колос»
Каманда Докшыцкага раёна стала залатым чэмпіёнам абласных спаборніцтваў па лыжных гонках у межах спартакіяды сельскіх жыхароў “Залаты колас”. Мерапрыемства адбылося ў мінулыя выхадныя ў горадзе Наваполацку.
Поспех дакшычанам усміхнуўся ў эстафеце сярод жанчын, у якой першае месца заваявалі Ганна Глазко, Таццяна Ярашэвіч і Алена Жданько.
У асабістым забегу ў сваіх узроставых катэгорыях на вышэйшую прыступку п’едэстала ўзнялася Ганна Глазко, сярэбраным прызёрам стаў Юрый Глазко, трэцяе месца ў Галіны Каляга.
Таксама ў саставе зборнай выступілі Аляксандр Іваньковіч і Кацярына Сланеўская.
Перамога ў спаборніцтвах дае магчымасць докшыцкім лыжнікам выступіць у саставе каманды Віцебскай вобласці на рэспубліканскіх гонках, якія адбудуцца ў бліжэйчы час у Раўбічах. Пажадаем ім удачы!
Яўгенія МАЛЕВІЧ.
Фота прадастаўлена
ФСК “Ураджай”.
