Праздничная программа “Виват, фестиваль!” прошла в городе Докшицы
Як Вілія і Бярэзіна сваімі вытокамі аб’ядноўваюць тэрыторыю раёна, так і фестываль дапамагае аб’яднаць творчыя таленты Докшыччыны і іншых рэгіёнаў Беларусі і замежжа. Хто завітаў на фестываль?
Ансамбль танца “Апрель” з пасёлка Палкіна Пскоўскай вобласці Расійскай Федэрацыі. Аснову рэпертуару складаюць народныя, сюжэтныя, сучасныя і эстрадныя танцы.
Вакальны ансамбль “Салавейка” Чэрвеньскага раённага цэнтра культуры і вольнага часу. Удзельнічаў у прадкастынгу шоу “Х-фактар” у Беларусі, у праграмах “Привет, Андрей!” і “Поле цудаў” у Маскве, “Народны повар” на АНТ.
Народны ансамбль “Вербніца” Чэрвеньскага раённага цэнтра культуры і вольнага часу. Дыпламант абласнога тэлевізійнага конкурсу “Залатыя ключы”, удзельнічае ў тэлепраекце АНТ “Песні маёй краіны”. Прадстаўляў Чэрвеньскі раён на канцэртных пляцоўках рэспубліканскага свята працаўнікоў сельскай гаспадаркі “Дажынкі”.
Народны ансамбль песні “Фертинка” з Багатырскага СДК Полацкага раённага цэнтра культуры. Пераможца вакальнага конкурсу “Бярэзінскія напевы”. У рэпертуары – беларускія народныя, духоўныя песні, рамансы, кавер-версіі песень савецкай эстрады.
Народны вакальны ансамбль “Велея казачья” Вілейскага палаца культуры. У яго рэпертуары беларускія, рускія, украінскія песні. Мае ўзнагароду “За высокае выканаўчае майстэрства і захаванне казацкіх традыцый у песеннай творчасці”.
Народны ансамбль народнай песні “Любава” Барысаўскага філіяла ПУП “Святлопрыбор” ГА “БелТІЗ”. Пераможца шматлікіх абласных, рэспубліканскіх і міжнародных конкурсаў.
Народны ансамбль песні “Лявоніха” Бярэзінскага раённага цэнтра культуры. Ансамбль выязджаў з канцэртамі ў Расію, Грузію, Літву. Яго выступленні запісаны на беларускім радыё і тэлебачанні.
Вакальная група ветэранаў працы “Сустрэча” Бярэзінскага раёна. Створана летась кіраўніком народнага ансамбля песні “Лявоніха”. За плячыма калектыву ўдзел у Рэспубліканскім фестывалі беларускай песні і паэзіі “Маладзечна-2022”.
Народны тэатр фальклору “Цярэшка” Глыбоцкага цэнтра традыцыйнай культуры і народнай творчасці Глыбоцкай ЦКС. Выступаў на сцэнічных пляцоўках блізкага і далёкага замежжа. А дэбют “Цярэшкі” адбыўся на абласной сцэне тэлефестывалю “Беларусь – мая песня”, пасля якога калектыў быў запрошаны на тэлевізійную праграму “Запрашаем на вячоркі”.
Узорная цыркавая студыя “Каскад” Пастаўскага раённага дома культуры. Неаднаразовы лаўрэат конкурсаў цыркавога мастацтва “Арэна-2018” і “Арэна-2021”, фестывалю вулічнага мастацтва “Волаты Прыдзвіння”.
Творчы калектыў Лепельскага раённага дома культуры. Салісткі вакальнай групы з’яўляюцца лаўрэатамі абласных, рэспубліканскіх, міжнародных конкурсаў.
Эстрадная студыя “Акорд” Шаркаўшчынскага раённага цэнтра культуры. У рэпертуары калектыву патрыятычныя, эстрадныя, народныя і аўтарскія песні.
Народнае аматарскае аб’яднанне “Натхненне” Аршанскага дома рамёстваў. Майстры клуба адраджаюць як традыцыйныя віды рамёстваў, так і сучасныя.
Ансамбль казацкай песні “Вольніца” культурна-дзелавога цэнтра “Першамайскі” г. Віцебска. У 2023 годзе калектыў стаў лаўрэатам конкурсу “Галасы Айчыны”.
