Клуб ветеранов труда «Катюша» Докшицкого района отметил десятилетний юбилей

IMG_9027На мінулым тыдні клуб ветэранаў працы “Кацюша”, які дзейнічае пры ТЦСАН святкаваў дзесяцігадовы юбілей.

За час свайго існавання “кацюшаўцы” дзякуючы актыўнасці клуба і не фармальным адносінам да яго арганізатараў шмат разоў станавіліся героямі артыкулаў нашай газеты. Падчас фотапрэзентацыі, якая распачала ўрачыстае пасяджэнне, што ладзілася ў актавай зале Докшыцкага сельвыканкама, адзін за адным гарталіся фотаздымкі, а загадчыца аддзялення дзённага знаходжання для грамадзян пажылога ўзросту Алена Сарокіна падмацоўвала дзею каментарамі:

– Вось гэта нашы першыя пасяджэнні, а тут мы ездзілі ў аддзяленне кругласутачнага знаходжання для пажылых грамадзян, а на гэтым здымку – момант з дня імянінніка, экскурсійныя паездкі па святых месцах краіны…

Тыя, хто быў у зале, актыўна рэагавалі на слайды і цішком дзяліліся ўспамінамі. Старшыня “Кацюшы” Лізавета Гамановіч падрыхтавала даклад аб рабоце клуба. У выступленні яна не мінула ўвагай і вялікі ўнёсак у аматарскае аб’яднанне былога дырэктара ТЦСАН Марыі Курдзека.

Намеснік старшыні райвыканкама Валянціна Рандарэвіч завітала на святочную сустрэчу, каб выказаць словы падзякі людзям залатога ўзросту за аптымізм і актыўную жыццёвую пазіцыю, а таксама перадала клубу віншаванні ад кіраўніка раёна Алега Пінчука.

Сёння можна смела зазначыць, што менавіта з “Кацюшы” бярэ пачатак аддзяленне дзённага знаходжання для пажылых грамадзян, якое было створана ў лютым мінулага года. Свае віншаванні клубу адрасавалі Іна Чырвоная і Ларыса Войцік, загадчыцы аддзяленняў ТЦСАН.

У складзе клуба шмат людзей ініцыятыўных і актыўных, якія па першым поклічы адгукаюцца на ўсе запыты ТЦСАН. Так, у складзе “Кацюшы” ўзнікла вакальная група “Спявай, душа!”, якая ездзіць з выступленнямі па раёне, прымае ўдзел у гарадскіх мерапрыемствах. Зараз яе кіраўнік – Яўген Ганчароў. Вялікая роля ў падрыхтоўцы рэпертуару вакальнай групы і былога кіраўніка Івана Курдзекі.
Як і прынята на дні нараджэння, “Кацюшу” завіталі павіншаваць добрыя сябры: члены клуба “Дакшычанка”, які працуе пры раённай бібліятэцы, Віктар Курнушка ад хора ветэранаў “Залатыя гады”, Раіса Шыталь, кіраўнік клуба “Докша” Дома рамёстваў.
Усе госці прыходзілі не з пустымі рукамі. Вось, напрыклад, начальнік упраўлення па працы, занятасці і сацыяльнай абароне Алена Тулоўская ўручыла вялікі фотаальбом для захавання памяці пра дзейнасць “Кацюшы”.

Настаяцель царквы святых Пятра і Паўла ў Гняздзілаве айцец Аляксей Кушнярэвіч выказаў шчырае захапленне аптымізмам і бадзёрасцю старэйшага пакалення і зрабіў акцэнт на тым, што моладзі трэба пераймаць гэта.

З тортам, на якім гарэла дзясятак свечак, і пажаданнямі “Кацюшу” вітала аддзяленне дзённага знаходжання інвалідаў, якое не толькі дзеліць з клубам памяшканне, але і пастаянна актыўна супрацоўнічае.

У самым пачакту сустрэчы вакальная група выконвала песню-гімн клуба “Посидим по-хорошему”, яе словы сталі лейтматывам не толькі святкавання, але і ўсёй дзейнасці аб’яднання:

…Спелый хлеб
закачается.
Жизнь – она
не кончается,
Жизнь – она
продолжается
Каждый раз.
…Посидим по-хорошему,
Пусть виски
запорошены –
На земле жили-прожили
Мы не зря.

Наталля НАВІЦКАЯ.
Фота аўтара.

Комментарии:

Добавить комментарий

Ваш e-mail не будет опубликован. Обязательные поля помечены *