В Докшицах прошла оценка соответствия средств персональной мобильности
У Докшыцах на спецыяльнай пляцоўцы каля будынка ЗАГСа прайшла выязная ацэнка адпаведнасці сродкаў персанальнай мабільнасці (СПМ) патрабаванням бяспекі.
Для маштабнай тэхнічнай праверкі СПМ і магутных электрычных устройстваў, хуткасць якіх перавышае 25 кіламетраў за гадзіну, у райцэнтр прыехалі спецыялісты акрэдытаванай лабараторыі з Полацка. Асноўная мэта выязнога мерапрыемства – дапамагчы мясцовым уладальнікам электрасамакатаў і веласіпедаў, монаколаў, электраскутараў аператыўна прайсці абавязковую працэдуру ацэнкі адпаведнасці.
У нашай краіне Указам Прэзідэнта Рэспублікі Беларусь ад 4 жніўня 2025 года № 295 з 1 верасня 2025 года былі ўнесены змяненні ў Правілы дарожнага руху. Частка іх тычылася СПМ. Так, устройствы з канструктыўнай хуткасцю больш за 25 кіламетраў за гадзіну пераходзяць у катэгорыю механічных транспартных сродкаў (мапедаў альбо матацыклаў). Каб легальна імі карыстацца, у дзяржаўтаінспекцыі неабходна атрымаць выпіску з электроннага пашпарта.
Падчас агляду СПМ, а іх на пляцоўцы налічвалася больш за семдзесят адзінак, эксперты правяралі эфектыўнасць тармазных сістэм, спраўнасць светлавых прыбораў, адпаведнасць рэальнай максімальнай хуткасці заяўленым тэхнічным характарыстыкам, агульную трываласць канструкцыі.
Выязны фармат работы пазбавіў жыхароў раёна ад неабходнасці транспарціраваць тэхніку ў абласныя цэнтры альбо суседнія гарады, дзе размяшчаюцца стацыянарныя лабараторыі.
Па выніках іспытаў уладальнікі тэхнікі атрымалі афіцыйныя дакументы, якія дазволяць паставіць транспартныя сродкі на ўлік у ДАІ і бяспечна рухацца па дарогах, не парушаючы закон.
Спецыялісты звяртаюць увагу на тое, што СПМ, якія набыты да 1 верасня 2025 года і якія маюць VIN-код, прысвоены заводам-вытворцам, будуць аднесены да колавых транспартных сродкаў. Пры адсутнасці VIN-кода пасля правядзення даследавання транспартнаму сродку будзе прысвоены індывідыдуальны ўнікальны VIN-код.
Таццяна ПАДБЯРЭЗКАЯ.
Фота аўтара.
